Одобрување на готов производ

Пред да бидат пласирани на пазарот, лековите мора да добијат одобрение за ставање во промет. Европската комисија дава одобренија за ставање во промет откако ќе добие позитивно мислење од Европската агенција за лекови (ЕМА) или државната агенција за лекови. Одобрението за ставање во промет се добива кога документацијата за регистрација на производот недвосмислено докажува дека лекот е висококвалитетен, безбеден и делотворен.

Резултатите од претклиничките и клиничките испитувања се клучен дел од документацијата за регистрација. Испитувањата се вршат во согласност со најновите стручни и регулаторни упатства. Успешно завршените испитувања овозможуваат конечно одобрување на безбедноста и делотворноста на производот. Овие два фактори се основа за успех на процесот за добивање на одобрение за ставање во промет, како и пласирање на лекот на пазарот.

Гарантираме дека нашите производи се висококвалитетни и усогласени со најновите научни сознанија, упатства и барања во текот на целиот животен циклус на производите. Сите промени коишто ги воведуваме секогаш се испитуваат и одобруваат од страна на релевантните регулаторни органи.