Развој и производство на активни супстанции

Посветуваме посебно внимание на активните супстанции што ги користиме во лековите. Генерално, ние самите развиваме и произведуваме активни супстанции. Овој процес вклучува развој на постапки за синтеза, оптимизација на технолошките процедури и пренос во услови на производство. За нас, најважни се надзорот на производствените операции, безбедноста и квалитетот на нашите активни супстанции. Ова го намалува степенот до кој зависиме од надворешни добавувачи.

Синтезата на нашите активни супстанции се одвива во неколку исклучително сложени реакциски фази. Секоја фаза е под строга контрола. Активната супстанција се формира во оптимални услови на реакција со помош на хемиска трансформација на две или повеќе супстанции (хемиски соединенија, интермедијарни соединенија). Користиме иновативни решенија за да ги надминеме ограничувањата на пациентите.

Користиме свои постапки за синтеза и технологии за прочистување за да се осигураме дека нашите активни состојки се во најчиста форма. Користејќи ги најчувствителните аналитички технологии, обезбедуваме усогласеност со највисоките стандарди за квалитет, како и отсуство на критични нечистотии.

Го испитуваме ефектот на поединечни фактори врз хемиските реакции преку различнианалитички техники. Тие играат клучна улога во развојот на хемиската синтеза и пренесувањето на процесите во поголеми размери. Врз основа на овие податоци, ги одредуваме контролите на процесот на хемиска синтеза за време на производството.

Активните состојки на Крка се користат во нашите водечки готови производи, кои ги вклучуваат сите лекови коишто содржат валсартан, периндоприл, лосартан, аторвастатин, езомепразол, пантопразол и клопидогрел.