Крка стана синоним за квалитет бидејќи квалитетот е темелот врз кој ги развиваме и произведуваме нашите производи. Квалитетот има стратешко значење и ни дава предност пред конкуренцијата.

Квалитетот е дел од секој аспект на нашите производи во текот на нивниот животен циклус

Врвниот квалитет на производите е главен приоритет на сите вработени во Крка. Внимателно ги следиме производите во текот на целиот нивен животен циклус – од развој до ставање во промет, како и за време на нивниот рок на траење.

Анализите се суштински дел од обезбедувањето на квалитет. Ги спроведуваме во најнапредни лаборатории. Ги проверуваме сите суровини и готови производи, како оние произведени во Крка така и оние што ни ги добавуваат партнерите. Постојано ги оптимизираме работните процеси и ги зголемуваме лабораториските капацитети за да се осигураме дека можеме навреме да ги испорачаме нашите производи на пазарите.

Внимателно одбирање на суровини

Системот за квалитет се применува уште при проверката на суровините што се користат во производството на готови производи (активни супстанции, помошни супстанции, материјали за пакување). Ги ревидираме нашите добавувачи и ги проценуваме ризиците. Ги тестираме суровините во контролните лаборатории, а одговорните лица го проверуваат нивниот квалитет и одобруваат нивна употреба во производството.

Производство под микроскоп

Производството на активни супстанции и готови фармацевтски производи се одвива во согласност со пропишаните процедури до кои строго се придржуваме. Сите наши производствени капацитети и опрема имаат соодветни квалификации, а истото важи и за нашиот персонал. Внимателно го следиме производството на секоја серија на производи и ги прегледуваме сите документи поврзани со производството и анализата. Врз основа на ова, можеме да потврдиме дека нашите производи се произведени во согласност со пропишаните процедури и упатства за добра практика и дека ги исполнуваат условите за одобрение за ставање во промет.

Тестираме пред да го ставиме производот во промет

Сите произведени серии на производи се тестираат во согласност со стандардите за добра производна практика и барањата за регистрација. Тестовите ги вршат лица коишто се квалификувани за ставање на поединечни серии во промет. При вршење на тестовите, се земаат предвид законите на земјите каде што се пласираат нашите производи. Откако ќе се потврди квалитетот на производот, залихите се изнесуваат од магацинот и производите се подготвуваат за испорака до трговците на големо или клиентите.

Од повратни информации до подобрување

Ги следиме повратните информации од нашите пазари и безбедноста на нашите производи при секојдневна употреба и го потврдуваме нивниот квалитет во текот на нивниот рок на траење. Пациентите ни се секогаш на прво место, од анализа на нивните потреби за време на развојот на производите до следење на нивните искуства кога ќе почнат да ги користат. На тој начин ја задржуваме нивната доверба, а истовремено ја задржуваме нашата позиција како еден од водечките производители на генерички производи во светот. Никогаш не престануваме да се грижиме за безбедноста и квалитетот на производите.