Одржливиот развој е еден од нашите основни принципи. Сметаме дека сме успешни кога нашиот успех позитивно влијае и на природната и на социјалната средина.
Кога спроведуваме активности и проекти коишто се дизајнирани да придонесат за социјалната средина, да ги охрабрат младите и да служат како пример за корпоративно управување, го земаме предвид нашето влијание врз идните генерации.
Политика за одржливост или ESG политика
ESG политиката е стратегиски документ на Групацијата Крка за одржливо управување со нашите аспекти поврзани со животната средина (E – environment), општеството (S – society) и корпоративното управување (G – corporate governance). Ги пропишува фундаменталните принципи и напори што ги вложуваме во обликувањето на одржливите операции, коишто се наша цел во работењето и во односите со различни групи на чинители низ целиот синџир на создавање на вредности, а чии интереси ги земаме предвид при донесување на деловни одлуки.
Комбинирањето на нашиот деловен модел со стратегијата на Групацијата Крка ни овозможува поефикасно да ги препознаеме нашите влијанија, ризици и можности за одржливоста и стратегиски да управуваме со нив.
Главни теми на одржливост
Нашата примарна грижа е фокусирана на пациентите, на кои им обезбедуваме непречено снабдување со висококвалитетни, безбедни, ефективни и пристапни генерички лекови. Одговараме на потребите на нашите акционери и социјалната средина преку редовен и проактивен дијалог.
Влијанието на Групацијата Крка најсилно се чувствува во шесте клучни области на одржливост вклучени во ESG (Environment, Social, Governance) стратегијата, коишто го обликуваат нашиот долгорочен стратегиски потенцијал за постигнување на деловните цели.
КВАЛИТЕТ НА ПРОИЗВОДОТ И БЕЗБЕДНОСТ НА ПАЦИЕНТИТЕ
- Квалитет, безбедност и ефективност на лековите и активните супстанции
- Интегриран систем за управување со квалитет
- Правично известување за несакани ефекти, означување на производот и спречување на фалсификување
- Благосостојба на животните
ПРИВЛЕКУВАЊЕ И ЗАДРЖУВАЊЕ НА ТАЛЕНТИ
- Регрутирање, развивање и управување со таленти
- Здравје, безбедност и благосостојба на вработените
- Диверзитет, инклузивност и учество на вработените
ДОБРИ ПРАКТИКИ НА ЛИДЕРСТВО И УПРАВУВАЊЕ
- Законодавно и регулаторно усогласување
- Континуитет на синџирот на снабдување и работењето
- Отпорен и флексибилен вертикално интегриран деловен модел
- Успешно деловно работење и финансиска сила
- Заштита на информации
- Различност, независност и компетентност за управување
- Систем на награди што ги зема предвид одржливите резултати
- Придонес кон развојот на локалната заедница
ПРИСТАП ДО ЗДРАВСТВЕНА ЗАШТИТА
- Непречено снабдување со лекови
- Ефикасни процедури за регистрација
- Истражување и развој и култура на иновации
- Опсег на лекови прилагодени на пациентите
- Производи по пристапни цени
- Поддршка за здравствените работници
- Иницијативи за подигање на свеста за здрав начин на живот и препознавање на широко распространети болести
ПЛАНЕТАТА И КЛИМАТСКИТЕ ПРОМЕНИ
- Управување со опасни материјали
- Управување со животниот циклус на производот
- Ефикасно користење на енергијата и природните ресурси
- Управување со отпад
- Контрола на емисиите на јаглерод диоксид
ПРОЦЕС НА ПРОЦЕНКА НА МАТЕРИЈАЛНОСТ
Градиме доверба со тоа што ги вклучуваме сите чинители, ги разбираме нивните ставови и одговараме на нивните очекувања. Дополнително, дејствуваме според информациите што ги добиваме од нивните реакции и иницијативи. Овие информации ги земаме предвид при одредувањето на нашите стратегиски насоки и секојдневното деловно работење, коишто ги насочуваме кон создавање на трајна вредност за сите наши чинители и за општеството.
Мисијата на Крка е да им овозможи на луѓето да водат здрав и квалитетен живот. Тоа можеме да го постигнеме само ако имаме рамномерен и одржлив развој и ако ја зачуваме животната средина за сегашните и за идните генерации. При исполнувањето на нашата мисија, се фокусираме на клучните ESG теми – квалитетот на производот, безбедноста на пациентите и пристапот до здравствена заштита. Нашите процеси на управување и деловните одлуки се засноваат на нашите мисија, визија и вредности, кои ни овозможуваат да ја спроведеме нашата деловна стратегија, да постигнеме долгорочни стратегиски цели и да создаваме вредност за вклучените чинители.
ПРИНЦИП НА ДВОЈНА МАТЕРИЈАЛНОСТ НА ГРУПАЦИЈАТА КРКА
ГЛАВНИ ЦЕЛИ НА ОДРЖЛИВ РАЗВОЈ ОД ПЕРСПЕКТИВА НА ГРУПАЦИЈАТА КРКА
Се стремиме да ги исполниме целите за одржливост на Обединетите нации и да го зголемиме позитивното влијание на Групацијата Крка врз животната средина и чинителите. Дејствуваме во согласност со целите на Агендата за одржлив развој 2030. Нашата основна активност значително придонесува за целта број три – „Здравје и благосостојба“. Сакаме да ги намалиме случаите на прерана смрт поради заразни болести, како и да ги промовираме менталното здравје и благосостојба преку превентивни мерки и лекување.
Новости
Истражете повеќе
