Свесни сме за нашето социјално и економско влијание и долгорочното влијание на социјалната средина врз нашето деловно работење.

Со постојаното инвестирање во истражување и развој, на пациентите насекаде во светот им обезбедуваме достапни, висококвалитетни, безбедни и ефективни иновативни генерички лекови, што е основен столб на нашата општествена одговорност.

Одговорно се однесуваме кон сите чинители, негуваме добри односи и поттикнуваме политика на еднакви можности и родова/верска/расна различност. Одржуваме здрава и атрактивна работна средина, со правичен надоместок и почитување на човековите права.

Свесни сме дека сме дел од една поширока општествена средина, затоа, во замена за таканаречената „општествена лиценца за работа“, го обезбедуваме нашето позитивно влијание врз развојот на општествената заедница во која работиме.

За време на процесот на проценка на материјалноста, идентификувавме три клучни области: квалитет на производот и безбедност на пациентите, привлекување и задржување на таленти и пристапна здравствена заштита.