Здравјето е во центарот на нашите активности. Здравјето е нашата мисија, којашто се стремиме да ја исполниме нудејќи широк асортиман на производи со висок квалитет и пристапни цени, коишто го подобруваат квалитетот на животот на луѓето и ни помагаат одговорно да учествуваме во обликувањето на светот.
Секогаш го имаме на ум задоволството на пациентите и на другите клиенти, од развојот на производот до моментот на нивната употреба. Наш водич е постојаната желба да истражуваме и да одржуваме висок квалитет во сè што правиме. Со помош на нашиот вертикално интегриран деловен модел, на одговорен и одржлив начин им доставуваме вредност на сите чинители.
Нашите вредности ги одредуваат начините на кои работиме при донесувањето на деловни одлуки и исполнувањето на нашата визија. Сакаме да постигнеме рамномерен и одржлив развој, којшто ќе придонесе за заштита на здравјето, зачувување на животната средина и развој на локалната заедница.
Нашите искуства, иновации и почит кон сите живи суштества и околината ни овозможуваат да создадеме надеж и да градиме доверба.
МИСИЈА
ЖИВЕЕМЕ ЗДРАВ ЖИВОТ.
Со нашата современа технологија, знаењата и вештините, им овозможуваме на луѓето да го одржуваат и подобруваат своето здравје и да го подобрат квалитетот на животот.
ВИЗИЈА
ПОСТОЈАНО ЈА КОНСОЛИДИРАМЕ НАШАТА ПОЗИЦИЈА КАКО ЕДНА ОД ВОДЕЧКИТЕ ГЕНЕРИЧКИ ФАРМАЦЕВТСКИ КОМПАНИИ ВО СВЕТОТ.
Интерниот развој на производи, меѓународните врски, флексибилноста и ефикасноста ни овозможуваат да ја реализираме нашата визија – енергична и иновативна генеричка фармацевтска компанија.
ВРЕДНОСТИ
Знаењето, компетенциите, иновациите, добрите работни навики и креативноста ни помагаат да дејствуваме брзо. Нашата цел е да бидеме први. Се стремиме да ја постигнеме оваа цел не само во продажбата, туку и во откривањето на нови пазарни можности. За да го постигнеме ова, ефективно го скративме процесот на развој, го забрзавме процесот на добивање на документи за регистрација и работевме на балансирано производство и дистрибуција. Брзите реакции и приспособливоста ни помагаат да ги надминеме сите пречки со коишто се среќаваме поради различните пазарни и законски барања. Ја оправдуваме довербата на нашите партнери со флексибилни решенија
Врaбoтeнитe вo Кркa нeгувaaт дoбpи oднoси. Сo нивнa пoмoш, oдржуваме однос на почит кон нашите партнери: клиентите, добавувачите, сопствениците и сите други лица со кои ја делиме околината. Само добрите и искрени меѓучовечки односи можат да ни овозможат да го комбинираме деловниот успех со нашата мисија.
Единствениот правилен начин да се постигнат врвни резултати е да се создаде атмосфера којашто поттикнува инвентивност и генијалност. Затоа, ги охрабруваме сите наши соработници да ги презентираат своите идеи, а доколку се добри, да ги реализираат. Ги охрабруваме вработените да бараат нови начини за да се задоволат клиентите. Задачите што ни се доверени ги извршуваме најдобро што можеме. Нашата цел е да дадеме сѐ од себе и да бидеме што е можно поефикасни и побрзи.
Истражете повеќе
